Dywedodd Derek Walker, cyn Uwchgynhadledd Cydnerthedd Hinsawdd Llywodraeth Cymru heddiw: 

“Rhaid i arweinwyr Cymru ddangos mwy o uchelgais wrth fynd i’r afael â’r argyfwng hinsawdd a sicrhau bod Cymru’n fwy cydnerth yn wyneb newid hinsawdd ym mhob penderfyniad a wnânt. 

Wrth i arweinwyr y sector cyhoeddus gyfarfod heddiw, ar ôl i danau gwyllt ymledu ar draws Cymru ac wrth inni wynebu tywydd mwy eithafol, gan gynnwys llifogydd, rhaid i sefydliadau wneud mwy i addasu i newid hinsawdd er mwyn ein diogelu ni i gyd. 

“Rydym eisoes yn teimlo effeithiau’r argyfwng hinsawdd a natur, a bydd yr effeithiau hynny’n dwysáu. 

“Bydd y newidiadau hyn yn effeithio ar bob un ohonom, o sut rydym yn cadw’n gyfforddus ac yn ddiogel yn ein cartrefi, i sut rydym yn teithio, i’r bwyd sydd ar gael a’i gost. Ond mae cyfleoedd hefyd i wella bywydau os bydd Cymru’n gweithredu’n bendant. 

Rhaid i arweinwyr, gan gynnwys Llywodraeth Cymru, wneud mwy i baratoi drwy ddefnyddio’r dystiolaeth a ddarparwyd gan Bwyllgor Newid Hinsawdd y DU. 

“Rhaid iddynt hefyd wneud y penderfyniadau cywir er budd pobol a’r blaned, cydweithio â’u cymunedau, a rhoi blaenoriaeth i ddiogelu ac adfer natur drwy’r camau a gymerant heddiw, wrth inni wynebu hinsawdd sydd wedi newid sut olwg fydd ar ein dyfodol.”