Mae cefnogaeth eang i atal, ond mae angen ffyrdd ymarferol ar sefydliadau o ddeall faint o’u gwariant presennol sy’n ymwneud ag atal, ac ar ba lefel y mae’r atal hwnnw’n digwydd. 

Rydym yn helpu cyrff cyhoeddus i ddeall sut mae eu hadnoddau presennol wedi’u dosbarthu ar draws gwahanol lefelau atal, a ble y gallai fod cyfleoedd i symud buddsoddiad tuag at weithredu’n gynharach. 

Rydym wedi datblygu offeryn mapio cyllidebau sy’n cysylltu gwariant ag atal ac amcanion llesiant. 

Mae ein Hadroddiad Cenedlaethau’r Dyfodol yn argymell y dylid ymgorffori atal ar ddechrau llwybrau clinigol, ochr yn ochr â mesurau perfformiad sy’n cefnogi’r newid hwnnw. Yn ehangach, mae ein gwaith yn ceisio cynyddu gweithgarwch a buddsoddiad mewn atal a mynd i’r afael ag achosion sylfaenol iechyd gwael ac anghydraddoldebau.

Mae atal a meddwl yn hirdymor yn atgyfnerthu ei gilydd. 

Mae ein gwaith rhagwelediad strategol wedi archwilio sut gall sefydliadau ragweld risgiau yn y dyfodol a nodi camau atal yn gynharach, yn hytrach nag ymateb dim ond ar ôl i risgiau ddod yn realiti.