Search Icon

Array ( [0] => stdClass Object ( [id] => 1423 [source_item_id] => 63170 [source_blog_id] => 1 [destination_item_id] => 8955 [destination_blog_id] => 2 [relationship_id] => 5ce3317a-d91b-4960-b827-471edc1b5c9f [type] => translation [type_name] => Translation ) )

| ENG

Cysylltwch Cymru Can
Home IconHafan >

Darganfod

> Cymru Can > Cymuned Cymru Can
Cymuned Cymru Can

Ydych chi’n hyrwyddwr dros genedlaethau’r dyfodol? Ydych chi’n gweithredu heddiw er mwyn yfory gwell? 

Cymuned yw cymuned sy’n dod â phobl sy’n creu newid gan ddefnyddio Deddf Llesiant Cenedlaethau’r Dyfodol ynghyd, boed hynny yn eu gwaith bob dydd, fel gwirfoddolwr neu yn eu cymuned. 

Mae ar gyfer pobl ym mhob sector ledled Cymru, nid dim ond pobl sy’n gweithio mewn cyrff cyhoeddus sy’n dod o dan y ddeddfwriaeth flaengar hon. 

 

Ymunwch â Chymuned Cymru Can

Pam ymuno â Chymuned Cymru Can? 

  • Cysylltu â hyrwyddwyr eraill ledled Cymru ac yn eich ardal chi. 
  • Cael mynediad at frandio Cymuned Cymru Can i ddangos i eraill sut mae eich gwaith yn helpu i wireddu gweledigaeth Cymru. 
  • Derbyn gwahoddiadau i gyfleoedd hyfforddi a datblygu. 
  • Helpu i lunio’r gymuned a’r hyn sy’n digwydd nesaf. 

Pwy all ymuno â Chymuned Cymru Can? 

Hyrwyddwyr yw pobl a sefydliadau sy’n rhoi dull cenedlaethau’r dyfodol ar waith a’i hyrwyddo’n weithredol, waeth beth fo’u hawdurdod ffurfiol neu’u sector. Maent yn cynnwys: 

  • Trefnwyr cymunedol, arweinwyr ar lawr gwlad a gwirfoddolwyr 
  • Pobl ifanc ac eiriolwyr rhynggenhedlaeth 
  • Arweinwyr diwylliannol, amgylcheddol a chydraddoldeb 
  • Aelodau etholedig, aelodau byrddau ac uwch arweinwyr 
  • Ymarferwyr ac arweinwyr systemau mewn cyrff cyhoeddus 
  • Arweinwyr busnesau a mentrau cymdeithasol sy’n cyd-fynd ag egwyddorion llesiant 
  • Academyddion, addysgwyr a phobl sy’n creu newid 

Mae hyrwyddwyr yn amrywiol o ran cefndir, dylanwad a dull gweithredu. Yr hyn sy’n eu huno yw ymrwymiad i newid hirdymor, ataliol a chynhwysol – gan weithredu’n fwriadol er budd cenedlaethau’r dyfodol. 

 

Cymuned Cymru Can

Hyrwyddwyr Newid

Ameerah Mai, Trafnidiaeth Cymru ac un o gyn-fyfyrwyr Academi Arweinyddiaeth Cenedlaethau'r Dyfodol

“Nid dim ond mater o fynd o A i B yw trafnidiaeth. Gall greu mannau a rennir, lleihau unigrwydd, mynd i’r afael â materion iechyd, chwarae rhan weithredol wrth gefnogi’r Gymraeg a mynd i’r afael â newid hinsawdd. 

Sut gallwn hybu ffyniant rhanbarthol a chefnogi economïau lleol, gan alluogi pobl i fyw bywydau iachach ar yr un pryd? Sut gallwn gysylltu mwy o bobl â safleoedd a digwyddiadau diwylliannol?  

Rydym wedi cynyddu ein gallu i feddwl am y dyfodol yn aruthrol, gan gynnwys drwy weithio gyda Hwb Dyfodol, ac mae fy nhîm bach o dri wedi siarad â bron i 300 o bobl mewn digwyddiadau ledled Cymru er mwyn deall sut y gallwn sicrhau effeithiau cadarnhaol yn well i gymunedau trefol a gwledig. 

Mae angen i Gymuned Cymru Can allu dylanwadu – neu, o leiaf, gael clust – y grŵp bach hwnnw sy’n gwneud penderfyniadau hollbwysig yn y sector cyhoeddus.  

Mae cydweithio’n hanfodol i ddatgloi’r Gymru’r dyfodol rydym i gyd ei heisiau, heb golli gobaith fel cymuned ar y cyd.” 

Cymuned Cymru Can

Hyrwyddwyr Newid

Jeremiah NWAEKE, Green Voices, sy'n rhoi llwyfan i leisiau amrywiol lleiafrifoedd ethnig a grwpiau heb gynrychiolaeth ddigonol mewn gweithredu ar yr hinsawdd yng Nghymru

“Lleiafrifoedd ethnig, cymunedau heb gynrychiolaeth ddigonol gan gynnwys oedolion ifanc, a phobl o’r De Byd-eang sy’n cael eu heffeithio fwyaf gan newid hinsawdd, ac eto nid ydynt yn cael eu hadlewyrchu’n llawn yn y camau gweithredu na’r trafodaethau ar yr hinsawdd yng Nghymru.  

Rydym yn gobeithio pontio’r bwlch o ran cyfranogiad yng Nghynllun Gweithredu Cymru ar Newid Hinsawdd a tharged Sero Net 2040, a thrwy hynny gefnogi pobl i fyw bywydau boddhaus. 

Credwn, os yw Cymru am gyrraedd y targed hwn, fod angen i bawb gael lle wrth y bwrdd a chyfrannu at y nod. Rydym yn cynnal prosiectau ledled Cymru, gan gynnwys sgyrsiau diweddar Cynhwysol ar yr Hinsawdd, lle cyfrannodd mwy na 120 o bobl at gynllun Cymru ar gyfer trafnidiaeth werdd, defnydd cynaliadwy o dir ac amaethyddiaeth, a thai ynni-effeithlon.  

Os caiff pob llais ei glywed, os yw pawb yn chwarae eu rhan, os ydym am gael dyfodol cryfach ar y cyd, yna rhaid inni gydweithio a chyd-greu newid parhaol yng Nghymru. A ddoe oedd yr amser i ddechrau.” 

Cymuned Cymru Can

Hyrwyddwyr Newid

Lucie Taylor, Social Farms and Gardens Community Land Advisory Service Cymru, a ariennir gan Is-adran Natur a Choedwigaeth Llywodraeth Cymru

“Ers 2018, rydym wedi helpu mwy na 500 o brosiectau mannau gwyrdd cymunedol ledled Cymru i gael mynediad at dir cyhoeddus a phreifat – gwaith sy’n cyd-fynd â nodau Deddf Llesiant Cenedlaethau’r Dyfodol. 

“Rydym yn cefnogi pobl mewn cymunedau i wireddu eu huchelgais i gysylltu â mannau naturiol a mannau nad ydynt yn cael eu defnyddio’n llawn a’u gwella, gan gefnogi 65 o brosiectau’r flwyddyn, o brosiectau tyfu bwyd i reoli parciau, coetiroedd, dolydd neu ymylon glaswellt gan grwpiau cymunedol. 

Mae bwyd sy’n cael ei dyfu ar draws y prosiectau hyn yn dod â phobl ynghyd, yn cael ei rannu ymhlith y gymuned ac yn cael ei roi i bobl sy’n cael trafferth gyda chostau byw. 

Ond rydym yn dal i wynebu heriau. Rydym am ddod o hyd i ragor o gynghreiriaid yn y sector cyhoeddus, fel y gallwn greu rhagor o enghreifftiau gwych sy’n ysbrydoli hyd yn oed mwy o gyrff cyhoeddus i wneud pethau’n haws ac yn gyflymach er lles pob cymuned ledled Cymru.” 

Beth rydym yn ei olygu wrth ‘rhoi dull cenedlaethau’r dyfodol ar waith a’i hyrwyddo’n weithredol’? 

Gall hyrwyddwyr ddangos eu bod yn: 

  1. Gweithredu mewn ffordd sy’n helpu Cymru i gyflawni un neu ragor o’r saith nod llesiant 
  2. Gweithredu mewn ffordd sy’n rhoi’r pum ffordd o weithio ar waith 

Gofynnir i chi ddweud ychydig wrthym am hyn pan fyddwch yn cofrestru.