Gweithio gyda ni

Ein prif genhadaeth fel Comisiynydd Cenedlaethau’r Dyfodol Cymru a thîm Cenedlaethau’r Dyfodol Cymru yw gwneud i Ddeddf Llesiant Cenedlaethau’r Dyfodol weithio’n galetach.

Mae ein strategaeth, Cymru Can, yn nodi ein gweledigaeth a’n pwrpas, ac yn amlinellu pum cenhadaeth rydym yn rhoi ein hegni ar ei hôl hi o nawr tan 2030.

Gall Gymru fynd ymhellach – Cymru Can – ac rydym yn gweithio gydag eraill i greu’r newid brys sydd ei angen er mwyn i Gymru fod yn lle gwell i fyw, gyda dyfodol disglair ac optimistaidd – ffyniannus, cynhwysol a gwyrdd.

Er bod WFGA yn cynnwys cyrff cyhoeddus, ledled Cymru, mae sefydliadau ac unigolion yn ymroddedig i wella llesiant cenedlaethau’r dyfodol.

Rydyn ni’n dîm bach ac mae Cymru Can angen ymdrechion pawb sydd â diddordeb mewn dyfodol da.

Gallwch gysylltu â ni, rhannu eich enghreifftiau o newid a syniadau ar gyfer cydweithio yn contactus@futuregenerations.wales.

Aelodau Pwyllgor Archwilio, Risg a Sicrwydd

Dau swydd wag
Tâl – £270 y dydd ynghyd â threuliau, tua 4 cyfarfod y flwyddyn

Rydym yn chwilio am ddau aelod newydd i ymuno â’n Pwyllgor Archwilio, Risg a Sicrwydd erbyn mis Ebrill 2026. Mae’r Pwyllgor yn darparu sicrwydd a chyngor annibynnol i’r Comisiynydd ar lywodraethu, risg a rheolaeth o fewn y Swyddfa. Mae ein ARAC yn ymdrechu i fodelu’r egwyddor datblygu cynaliadwy ym mhopeth y mae’n ei wneud ac yn ei berthynas â Swyddfa’r Comisiynydd.

Diben y Pwyllgor

• Cynghori ar ddigonolrwydd ac effeithiolrwydd prosesau strategol ar gyfer risg, rheolaeth a llywodraethu.
• Adolygu polisïau cyfrifyddu, cyfrifon blynyddol a’r adroddiad blynyddol, gan gynnwys canfyddiadau archwilio a llythyr cynrychiolaeth y Comisiynydd.
• Arolygu gweithgaredd a gynlluniwyd a chanlyniadau archwiliadau mewnol ac allanol.
• Ystyried cynigion ar gyfer tendro gwasanaethau archwilio mewnol neu brynu gwasanaethau nad ydynt yn rhan o archwiliad gan ddarparwyr archwilio.
• Monitro polisïau gwrth-dwyll, chwythu’r chwiban, a threfniadau ar gyfer ymchwiliadau arbennig.
• Adolygu ei effeithiolrwydd ei hun yn rheolaidd ac adrodd ar ganfyddiadau i’r Comisiynydd.

Tymor: Penodir aelodau am bedair blynedd, gyda’r posibilrwydd o gael eu hailbenodi am bedair blynedd arall.
Tâl: Cyfradd ddyddiol wedi ei bennu gan y Comisiynydd, ynghyd â chostau cysylltiedig teithio a chynhaliaeth yn unol â pholisi.
Ymrwymiad: Pedwar cyfarfod y flwyddyn (dau ar-lein a dau wyneb yn wyneb yng Nghaerdydd), ynghyd ag o leiaf ½ diwrnod o baratoi ar gyfer pob cyfarfod. Cefnogir yn llwyr gyfranogiad o bell.

Ar draws y ddwy rôl, rydym yn chwilio am arbenigedd penodol mewn:
Technoleg ddigidol
Cyllid

Dyddiad cau ar gyfer ceisiadau: 22ain Ionawr 2026

Cais am Gynigion – rhaglen ddysgu a datblygu “hyfforddi’r hyfforddwr”

Hoffai Swyddfa Comisiynydd Cenedlaethau’r Dyfodol Cymru gomisiynu cefnogaeth i ddatblygu rhaglen ddysgu a chefnogi “hyfforddi’r hyfforddwr” yn Neddf Llesiant Cenedlaethau’r Dyfodol
(Cymru) 2015.

Pwrpas hyn yw cynyddu gweithrediad ac effaith y Ddeddf – cenhadaeth graidd Comisiynydd Cenedlaethau’r Dyfodol presennol. Oherwydd cyfyngiadau ar arbenigedd, adnoddau a chapasiti mewnol, rydym yn chwilio am gynigion gan unigolion neu sefydliadau a fedr ein helpu i ddatblygu rhaglen ddysgu a chefnogaeth hunangynhaliol y gellir ei chyflwyno ledled Cymru a
thu hwnt.

Gweithiwch gyda ni i gynyddu gwybodaeth am Ddeddf Llesiant Cenedlaethau’r Dyfodol (Cymru) 2015 drwy ddatblygu rhaglen ddysgu a chefnogi “hyfforddi’r hyfforddwr”. I wneud hyn,
darparwch o leiaf y canlynol:
• Addasu cynnwys amlgyfryngau cyfredol i fformat “hyfforddi’r hyfforddwr”, gan gynhyrchu canllaw hollgyhwysfawr a rhaglen hyfforddi wedi’i phrofi fel adnodd “cymryd a mynd” (Allbwn 1).
• Cynghori ar raglen gymorth barhaus a chofleidiol i hyfforddwyr neu rwydwaith; ac argymhellion ar gyfer ehangu (Allbwn 2).

Mae’n ofynnol i bawb yr ydym yn gweithio gyda nhw i ddefnyddio’r Ddeddf, yn arbennig y pum dull o weithio, wrth lunio eu methodoleg a chyflawni eu gwaith. Felly, rydym yn disgwyl i chi
ennyn ymgyfraniad defnyddwyr-terfynol drwy gydol y prosiect a chydweithio â’n tîm a sefydliadau cefnogol eraill.

Amserlen ar gyfer y prosiec

Erbyn dydd Llun, 26 Ionawr, 17:00 – Mynegiadau o ddiddordeb wedi’u cyflwyno
Dydd Llun 2 Chwefror – Dechrau’r prosiect yn dilyn dyfarnu’r contract
Wythnos yn dechrau 2 Chwefror – Cyfarfod cychwynnol
Wythnos yn dechrau 23 Chwefror – Cyfarfod hanner-ffordd ac adolygiad
Erbyn dydd Gwener 6 Mawrth – Cynhyrchu allbwn 1 (adnodd)
Erbyn dydd Gwener 20 Mawrth – Cynhyrchu allbwn 2 (nodyn cyngor ac argymhellion)
Wythnos yn dechrau 30 Mawrth – Diwedd y prosiect/cyfarfod clou

Anfonwch ymholiadau a mynegiadau o ddiddordeb at heledd.morgan@futuregenerations.wales a Colleen.cluett@futuregenerations.wales
Sylwch, oherwydd gwyliau’r Nadolig a chau’r swyddfa, na fyddwn yn gallu ateb ymholiadau o ddydd Llun 22 Rhagfyr tan ddydd Gwener 2 Ionawr.