Sut i ymuno â’r Academi
Ar hyn o bryd mae dwy ffordd o ymuno â’r Academi: Recriwtio agored a noddwyr. Isod hefyd mae gwybodaeth am ffyrdd eraill rydym yn cynnig cymorth i ymgeiswyr sy’n ymuno â’r Academi.
Recriwtio Agored
Mae hwn yn llwybr rhad ac am ddim i gyfranogwyr, a gefnogir gan ein noddwyr i wneud cais ar gyfer unrhyw un sy’n barod i ddysgu ac arfogi eu hunain ar eu taith arweinyddiaeth –ar gael i bobl ifanc cyflogedig a di-waith. Mae cyfranogwyr sy’n gwneud cais trwy recriwtio agored yn sicrhau eu lle ar ôl proses ddethol. Mae ceisiadau am recriwtio agored yn agor ar-lein o fis Mai tan fis Mehefin.
Ar gyfer ymgeiswyr sy’n gyflogedig (llawn amser neu ran-amser), bydd angen i chi gadarnhau:
- Mae gennych argaeledd i gymryd rhan yn y rhaglen.
- Mae eich rheolwr llinell neu gyflogwr yn cymeradwyo eich cyfranogiad yn yr Academi.
Byddwn yn gofyn i’ch rheolwr llinell/cyflogwr eich helpu i nodi maes ffocws ar gyfer cynllun newid y byddwch yn ei ddatblygu yn ystod yr Academi.Bydd cais hefyd yn cael ei wneud i’ch rheolwr llinell/cyflogwr gwblhau arolwg byr iawn ar eich datblygiad arweinyddiaethar ddechrau a diwedd y rhaglen.
Noddwyr
Os ydych yn gyflogwr/sefydliad a hoffai fuddsoddi yn nyfodol person ifanc -gallwch dalu eu ffioedd dysgu drwy noddi eu lle yn yr Academi. Mae nawdd yn rhoi cyfleoedd i bobl ifanc o gefndiroedd cymdeithasol-economaidd amrywiol gymryd rhan yn gyfartal yn y rhaglen, heb unrhyw gost iddynt.
Mae cyfranogwyr yr Academi yn cryfhau eu dealltwriaeth o Ddeddf Llesiant Cenedlaethau’r Dyfodol a’r sgiliau arwain sydd eu hangen arnynt i gymhwyso’r Ddeddf a rhagori yn eu gyrfaoedd, gan ganiatáu i’ch sefydliad fod yn rhan o’r mudiad dros newid yng Nghymru.
Cysylltwch ag Arweinydd Rhaglen FGLA, Korina Tsioni i fynegi diddordeb: korina.tsioni@futuregenerations.wales.
I’ch cefnogi chi
- Mae gennym gronfa hygyrchedd hyblyg i gynorthwyo unrhyw un sydd â dyletswyddau gofal neu sy’n wynebu unrhyw rwystrau ariannol neu rwystrau erailli gymryd rhan yn y rhaglen, er enghraifft, os ydych yn ofalwr neu’n berson anabl. Os cewch eich rhoi ar y rhestr fer, byddwn yn trafod unrhyw faterion hygyrchedd gyda chi.
- Rydym yn gweithredu Cynllun Gwarantu Cyfweliad ar gyfer pobl o gefndiroedd Du, Asiaidd, Lleiafrifoedd Ethnig aphobl anabl sy’n ymateb i bob un o’r cwestiynau yn y ffurflen gais.
- Mae dull hybrid yr Academi yn cynnwys tair sesiwn breswyl ledled Cymru ac rydym yn talu am yr holl gostau llety, cymudo ac arlwyo.
- Mae cymorth bugeiliol 1-1 ar gael i bawb sy’n cymryd rhan yn yr Academi.
