Ein cenhadaeth yw sicrhau bod Deddf Llesiant Cenedlaethau’r Dyfodol yn cael ei gweithredu’n effeithiol a chydag uchelgais mewn ffordd sy’n gwella bywydau pobl Cymru nawr ac yn y dyfodol.

Yn unigryw yn ei huchelgais, mae Deddf Llesiant Cenedlaethau’r Dyfodol yn ysbrydoli Cymru ac eraill ar draws y byd. Ond nid yw’n cael ei weithredu ar y cyflymder a’r raddfa sydd ei angen o hyd.

Mae angen inni gau’r bwlch rhwng dyhead a chyflawni.

Dyna pam rydyn ni wedi datblygu offer ac adnoddau i helpu pobl a sefydliadau ar eu taith tuag at ddatblygu cynaliadwy a gweithredu heddiw er mwyn sicrhau gwell yfory.