Er mwyn gweithredu ar anghydraddoldebau iechyd a chysylltedd gwael, fe wnaeth Bannau Brycheiniog gynnwys cymunedau i newid sut maent yn cynllunio a datblygu eu lleoedd.

Yr heriau:

• Ni all pobl gael mynediad at wasanaethau neu nwyddau hanfodol heb gar
• Cynllunio datblygiad a thrafnidiaeth yn cael effaith negyddol ar y dirwedd hardd
• Tlodi ac anghydraddoldebau iechyd yn cael eu gwaethygu gan gysylltedd gwael
• Cysylltu pobl â’r amgylchedd naturiol ar garreg eu drws

Er mwyn mynd i’r afael â’r heriau hyn mewn ffordd integredig, seiliodd Bannau Brycheiniog eu Cynllun Datblygu Lleol (CDLl) diwygiedig ar y cysyniad cymdogaeth 20 munud a chynnwys pobl yn y gwaith o gynllunio eu hardaloedd lleol drwy ymarferion a dulliau newydd.

Bu Bannau Brycheiniog yn gweithio gyda sefydliadau gwirfoddol a busnesau ac yn ystyried safbwyntiau’r gymuned, yn enwedig ar ôl effaith COVID-19, i fframio eu CDLl diwygiedig o amgylch cymdogaethau lle mae gan bobl bopeth sydd ei angen arnynt o fewn 20 munud i’w cartref.

Sicrhau bod pobl yn gallu cael mynediad at wasanaethau a mannau lleol:

• cefnogi’r economi leol gyda phobl yn treulio mwy o amser yn eu cymunedau,
• gweithredu ar dlodi trafnidiaeth ac allyriadau carbon drwy leihau dibyniaeth ar geir i gael mynediad i ysgolion, gofal iechyd, cyflogaeth a mwy,
• gwella iechyd a lles trwy gynyddu teithio llesol a chysylltiadau cymunedol.

Mewn cydweithrediad â Chomisiwn Dylunio Cymru a Llunio Fy Nhref, creodd Bannau Brycheiniog yr offeryn Llunio fy Mannau Brycheiniog gydag awgrymiadau ymarferol i helpu cymunedau i greu Cynlluniau Lle ar gyfer eu hardaloedd lleol.

Gan rymuso cymunedau i lunio dyluniad y lleoedd y maent yn byw ynddynt, roedd y Cynlluniau Lle hefyd yn bwydo i mewn i’r Cynllun Datblygu Lleol ehangach ar gyfer y parc.

—

Cynnwys plant yn natblygiad y Gelli Gandryll trwy fodel rhithwir o’r dref yn Minecraft, gan gefnogi’r plant i ddychmygu eu syniadau ar gyfer eu tref trwy’r gêm.

Ystyriwyd llawer o’u syniadau gan gynnwys parc newydd a ymgorfforwyd yn y cynllun terfynol.